Os encoros da Demarcación Hidrográfica Galicia- Costa, administrados por Augas de Galicia, atópanse hoxe ao 83,76 % da súa capacidade total, concretamente, os de abastecemento, ao 97,54 %, e os de uso hidroeléctrico ou industrial, ao 82,36 %. Así o sinalan os datos da evolución dos recursos hídricos na Demarcación Galicia- Costa.
Os encoros da Demarcación Hidrográfica Galicia- Costa, administrados por Augas de Galicia, atópanse hoxe ao 83,76 % da súa capacidade total, concretamente, os de abastecemento, ao 97,54 %, e os de uso hidroeléctrico ou industrial, ao 82,36 %. Así o sinalan os datos da evolución dos recursos hídricos na Demarcación Galicia- Costa.
Segundo estes datos hidrolóxicos recollidos o 28 de xullo, os 19 encoros de Galicia- Costa contan cun volume total de 690,15 Hm3.
No que se refire ás bacías destinadas ao consumo, o encoro de Eiras é o que almacena a maior cantidade de auga, máis de 22,17 Hm³ de auga a un 99,2% da súa ocupación total
En comparación cos datos recollidos o ano pasado na mesma data, a ocupación dos encoros increméntase este ano, tanto nas bacías de abastecemento como nas de uso industrial. Así, o ano pasado a ocupación dos encoros de abastecemento era do 91,16 %, mentres que este ano é do 97,54 %; e no caso dos de uso hidroeléctrico, en xullo de 2013, alcanzaban os 76,97 %, e a día de hoxe, chegan ao 82,36 %.
O encoro que conta con maior volume de auga almacenada é o de Portodemouros, no río Ulla, xa que se rexistraron máis de 297 Hm³, polo que está ao 85,69 % da súa capacidade total
O encoro que conta con maior volume de auga almacenada é o de Portodemouros, no río Ulla, xa que se rexistraron máis de 297 hectómetros cúbicos, polo que está ao 85,69% da súa capacidade total.
No que se refire ás bacías destinadas ao consumo, o encoro de Eiras é o que almacena a maior cantidade de auga, máis de 22,17 Hm³ de auga a un 99,2% da súa ocupación total. Seguido deste encoro vigués, está a bacía coruñesa de Cecebre, que conta cun volume de 20,61 Hm³, atopándose a un 99,19 % da súa capacidade total.
Encoros de Galicia- Costa
Da totalidade de encoros que administra a Consellería de Medio Ambiente, a través de Augas de Galicia, nove están destinados ao abastecemento dos veciños: Cecebre, na Coruña; Eiras, en Vigo; Forcadas, en Ferrol; Caldas de Reis, no Salnés; Zamáns, en Vigo; Pontillón do Castro, en Pontevedra; Baiona, na localidade do mesmo nome; Beche, en Abegondo; e Vilagarcía, nesta mesma localidade. Cabe destacar que os outros dez encoros están destinados a uso industrial ou hidroeléctrico: Río Covo, Ribeira, Eume, Fervenza, Santa Uxía, Barrié de la Maza, Vilagudín, Vilasenín, Portodemouros e Touro.